ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى , لا إله إلا انت سبحانك إنى كنت من الظالمين سبحان الله وبحمده سبحان الله العظيم


Es2lna in English

السؤال

من تــأليفــي .. كــاملــة الآن ...!!

التاريخ:2014-12-10الوقت: ص 07:18:54 عدد الزيارات: 316 مكافاة افضل اجابة: 5

0 0
الاسم أهو جرح وهيعدي
المجموعة الاعضاء
الجنس
العمر 32
الدولةمصر
النقاط 172
السمعة 114
المستوى نشط
تاريخ التسجيل 10-11-2014
التواجد

أحلام بنحلمها دايما .. كفيلة الايام بكسر خاطرها منا
هنعيش ونموت على أمالها .. وإن الدنيا ماتت بأحلامها
وأحلامنا عاشت تقتلها .. ونفوق وأحلامنا قتلها زمنا
ودوارة الحكاية بالروايه .. والمسلسل بدايه بلا نهاية
عايشه جوانا أحزان الحكاية .. فيروس بيموت كل رواية
ثورة عايشه بس فينا .. وفى الواقع ماتت أمانينا
راح فرعون ومات مينا .. جالنا حاكم حطم مساعينا
كنا ثورة من زمان .. كان لينا في يوم مسمع كلام
كنا إيد ابدا ما بتنام .. دلوقت نمنا ومات السلام
سمونى الحمار
لما عشت فى الظلام .. يمر عام بعده عام
وصفوني بالحصان .. فرحت بسحب اللجام
عيشوني علي هوايا .. أشتكي ألقاهم ورايا
عيشوني عالسعاده .. وعالصلاة وعالعبادة
وأما مسكوا الزمام .. فكوا عنى اللجام
قالولي انت همام .. ربي دقنك تعيش تمام
قلت جالي إلهام .. كنت حيوان بقيت إنسان
غيبونى عن وعيي أيام .. فجأة لقيتهم هما السجان
عرضوني لسوء ظنوني .. كرهونى فى كلمة ديني
سنة واحده عذبوني .. قتلوا فيا إيماني موتوني
فسروه عالمزاج بحجة إيمان ... والحكم فتوي وجبت الإلتزام
بكيت لما منى حلمي تاه .. لما إيدي وجعتني من الهتاف قلت آه
أما حسيت إني بجد حمار ... خلونى مشيت وحيد جمب الجدار
أما الليل بقي زي النهار .. جثث بكل مكان وضرب نار
أفتوني يأهل الفتوي .. فين الحلال ولا الحرام
فجأه أصحابي فرحوني .. قوم فوق من نومك وشدوني
وسمعت خبر صحي ظنوني .. وحش رجع يقول الحقوني
بدلنا بتضيع لناس خانوني ... بلدنا بتموت ياناس ارحموني
وكأن صوت ملك بينادي ... نداء وطنى ترديده إنشادي
صحي فيا مبدأ رجولة .. كنت فاكره مات وماتت الغيرة
ورجعت وحش بالشوارع بنادي .. مسحراتي صاحي دايما يناجي
رافع علم رمزه لبلادي .. رافع إسم أم الدنيا زهرة الوادي
ووقفنا من تانى نناجي .. للسما رافعين الأيادي
والفرحه عامة والدعوة تامه .. وفي ليلة عيدنا ماتوا إخوانا
فجرونا بالقنابل .. كفرونا بالسلاسل .. قالوا عنا إبليس الفالس
بينوها عالمنابر .. فتوي عامه بالحناجر ... كفر من لم يأتى ورانا يهاجر
زي شجر أصلها هنا ثابت .. وفرعها فى كل البلاد نابت.. ونصيبنا نرويها بدمنا إللى أصبح باهت
زى نور كنت شايفه من بعيد .. كنت عليه بجرى وأقول دا عيد .. ولما قرب شفته نار بتحرق فى العبيد
سألت وقلت انتوا مين .. قالوا إحنا للكفره واقفين .. اللى تاركين الدين وورا العسكر ماشين
قلت لازم أكون معاهم .. عايش لربي ودينى ..طيب أنا وياهم
بس فجأه المكر بان .. خانو عهد إسمه إيمان .. خانو دين وفيه قرآن
مكنتش أعرف إنى جبان .. بخاف من دا ودا .. مسحوب من اللجام.. حمار وعامل فيها همام
يالا ماهيا مش بتيجي إلا على الغلبان .. فلاح تايه في أرضه .. وموظف توهته وظيفته .. هو دا فيكي يابلدي حال الإنسان
وعايش بضحك على نفسي .. بتخيل نفسي رئيس .. بتخيل نفسي وزير وكمان عالم وكمان غفير وكل ما افوق بضحك على حالى .. وكأن الدنيا بس جيالى ..
وأدينا عايشين .. بنام ونصحي ناكل طين .. ومبسوطين وكمان راضين
ماهو الجبن فينا عاش .. باع وإشتري فينا ببلاش .. قالولنا متخافوش هنوكلكو قلاش
فرحنا وقولنا هاتوا .. وبالفعل راحوا جاوبوا .. وجينا ناكل لقيناه طين مدهون بلون قلاش ... عليه ملح .. طعمه زي الحشيش .. بناكل لا مننا بنشبع .. وخايفين نشبع نلاقي البطن فاضيه من القـُشاش
عيشونا زي المواشي .. مربوطين في قلب ساقيه .. متغمين عن حال الدنيا .. مربوطين بشاش
عرفونا إحنا مين .. ومنين كلنا جايين .. لما دا مش وطنا طب وطنا فيييييييين ؟؟
فهمونا الحق لينا .. بس هما شايلنو من إيدينا .. خايفين نضيعه .. ضيعوه هما علينا
وأدى حال اللى عاش حمار
هما ياكلوا جمبرى وبيض محار .. وإحنا ناكل طين وحشيش ومر الصبار
وبنضحك من طعمه الحلو .. بنكدب نقول دا حلو .. عشان دا فعلا أكل الحمار
وأما ضاق بيهم الحال قرروا يحلبونا .. فاهمين لكن بيسغفلونا
ضرايب ادفع .. شارك براتبك .. بكرا الخير جاي جاي
وأنا زي الحمار بدفع منتظر الرد بالدولار .. وهما يحملوه على ضهرى انا الحمار
اجري أوديه فرحان انا بيه .. وأنام وأصحي ألاقي الدنيا إتغيرت .. طب فلوسي فين
خدها الحرامي وطار .. هنجيبه ونحاكمه ونسجنه زى الصرصار
حقي مرحش بلاش .. فرحان انا منتظر اروح اجيبه فى قلب زهرة خشخاش
أوووووووووووه فجأه الحكم بالبراءه .. اللى سرق عفريت في قلب مغاره
طب هاتوه .. إنت أهبل .. روح إنت .. ولا نقولك صلى صلاة إستخاره
يادمع غالي عليا نزولك ... حقي جاى بس إستني دورك .. وتقوم ثورة ترجع لقلبك نورك
وتيجي ثورة للحق تبايع .. أفوق وأجرى للحق أبايع .. وطلقة غدر قصداني خلت روحى تنازع
وآخر كلمة سمعتهم قالوها .. مات الحمار اللى كان الزناد عليه قاصد
وأدى أخرت اللى يعيش حمار


[ابوسجا]