ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى , لا إله إلا انت سبحانك إنى كنت من الظالمين سبحان الله وبحمده سبحان الله العظيم


Es2lna in English

السؤال

هل تعلم ؟

التاريخ:2015-03-03الوقت: ص 07:12:06 عدد الزيارات: 305 مكافاة افضل اجابة: 5

1 0
الاسم ياسمين محمد
المجموعة الاعضاء
الجنس
العمر 30
الدولةمصر
النقاط 2140
السمعة 1140
المستوى خبير
تاريخ التسجيل 21-10-2010
التواجد

يا سلام علي كوباية الشاي بتاعت بعد الاكل دي، و معاها سيجارة عشان تحبس صح
اغلب المصريين عندهم كوباية الشاي اللي بعد الاكل دي اهم من الاكل نفسه ‏‎grin‎‏ رمز تعبيري
و تبقي كملت بقي لو دخل ريّحله ساعتين كده بعد الاكلة المتينة، كده خلاص بقي ملك و محدش هيعرف يكلمه بعد كده ‏‎grin‎‏ رمز تعبيري
بس فوق بقي يا عم الكينج، انت كده بتضر نفسك
اغلب الناس بيعملوا حاجات بعد الاكل و فاكرين انها عادي، و حاجات تانية عارفين انها غلط علي صحتهم و مع ذلك بيعملوها
هنتكلم الاول علي الحاجات المعروف انها غلط :
1- شرب السجاير :
هو مفيش حاجة بتقول ان ضرر السجاير بيزيد لو شربتها بعد الاكل
بس هو عامة السجاير مضرة، و اضرارها معروفة كويس مش محتاجين نتكلم عليها
2- النوم بعد الاكل :
اكيد مفيش ام ما قالتش الجملة دي ( ماتاكلش و تنام علي طول ) سواء قالت الجملة دي لاولادها او لجوزها
و الكلام ده فعلا حقيقي
لما بتاكل و تنام علي طول، اول ما بتفرد جسمك، جزء من العصارة الهضمية بيرجع للمرئ , و ده ممكن يسبب قرحة فيه
و بتصحي من النوم عندك حموضة و حرقان في زورك لنفس السبب
و برده لما بتاكل و تنام علي طول ده بيضغط علي الحجاب الحاجز و ده بيخليك تشخر و انت نايم ( اديك لاقيت حجة اهو يا عم ‏‎wink‎‏ رمز تعبيري )
و كمان بيخليك تتوقف عن التنفس في وسط النوم
و النوم بعد الاكل بيسبب السمنة
و الحل انك تستني علي الاقل ساعتين قبل ما تنام
تاني حاجة هنتكلم عنها الحاجات اللي فاكرينها عادي بعد الاكل :
3- شرب الشاي :
الشاي بعد الاكل علي طول، بيخلي امتصاص الحديد صعب
و الاحسن انك تشرب الشاي بعد الاكل علي الاقل بساعة
4-المشي :
ما تاكلش و تقوم تمشي علي طول ( النشاط مش مقطع بعضه يعني :D)
المشي بعد الاكل بيسبب عسر هضم و حموضة
احسن وقت تمشي فيه , هو بعد الاكل بنص ساعة
و ده هيعلي معدل الحرق عندك و هيساعد علي التخسيس
5- الاستحمام :
ايون زي ما قريت كده
ما تستحماش ( ما حبكتش النضافة دلوقتي يا اخي ‏‎grin‎‏ رمز تعبيري )
بعد الاكل المفروض ان الدم يروح للمعدة عشان عملية الهضم
بس لما تاخد شاور انت كده هيجيلك عسر هضم عشان الدم بدل ما هيروح للمعدة , هو هيروح للايدين و الرجلين، عشان يظبط درجة حرارة الجسم
و الاحسن انك تصبر حاولي نص ساعة، وبعدها يا عم انت حر ‏‎grin‎‏ رمز تعبيري
دلوقتي انت عرفت ايه هي الحاجات اللي متعملهاش بعد الاكل،
يعني علي ما تنام فيها ساعتين، و عشان تعمل اي نشاط تاني قدامك علي الاقل نص ساعة !
فانت ممكن في الوقت ده تقعد مع عيلتك و تحكّوا مع بعض
و بلاش جو ( الحمد الله و تصبحوا علي خير ده :D)
تفتكروا ايه تاني في حياتنا بنعمله غلط ؟

[هل تعلم ] [الطعام والشراب ] [الثقافة والأدب ] [عام]
قد يهمك ايضا
6 0

2010-03-20

3 5
2 0

2010-03-30

4 5
4 0

2010-04-06

3 5
2 0

2010-04-06

2 5
3 -1

2010-04-06

5 5