يـــوم تذهـل كــل مــرضعــة عمـا ارضعــت ....!!!

التاريخ:2015-02-24الوقت: ص 12:42:40 عدد الزيارات: 195 مكافاة افضل اجابة: 5

0

يعني إيه أم لإبنها ترميه .. ولو قال ماما ردها بيهين
يعني إيه الضني غالي .. يترمي من صغره المسكين
وجاي تقولى الأمومة .. والدنيا والزمن عليه جايرين
هيعيش إزاى وبحضن مين .. وبحضن مين يلاقي حنين
علامات القيامة قدامنا ظاهرة .. بتنكر إبنها لأمد السنين
لا تقوي ولا إيمان بالحياة ..ومحجبة! طيب بتعبد مين ؟
دنيا فيها اشكال وألوان .. والمظلوم عايش فيها حزين
والذنب مش ذنب المسكين ..الذنب شهوة جمعت الأبوين
وأما انتهت لذتها ووصلت آخرتها .. كان القدر حياة جنين
ووقت الإختلاف كان الرأى ... الكل عليه وليه بايعين
وكأنوا إبن حرام أو لقيط ... الأب باع والأم خانت الإتنين
يادنيا زمانك ليه خاين .. وعلى كل ناسك هاينين
الآلم جارح والدم نازف .. وأنا طفل نصيبي خيانة زوجين
ربي فوق وإسمه الكريم .. عوضنى بحضن واحد أفضل من إتنين